رّد النائب فريد هيكل الخازن على كلام رئيس التيار "الوطنيّ الحرّ" جبران باسيل، قائلاً عبر "تويتر": "كذّب ثم كذّب ثم كذّب، بالآخر انت بتصدق كذبتك، بس منّك عارف انو ما حدا بقى يصدقك لا بالداخل ولا بالخارج. المال اللي انصرف على البواخر بيبني خمس مصانع جداد. يا ويلكم من الله".

وكان النائب جبران باسيل قد رأى أن “كل ساعة كهرباء عم تنقطع من المعامل عم تكلّف احتياطي الدولار 32 ٪ زيادة عن كلفتها من المولّدات الخاصة؛ وكل ساعة مولّد خاص بتكلّف المواطن عشرين مرّة اكتر من ساعة كهرباء الدولة”.

وقال في سلسلة تغريدات عبر “تويتر”، “كل لحظة عتمة وكل قرش زيادة عم يتكبّده اللبنانيون هم برقبة النواب يلّي كذّبوا على الناس وحرموا كهرباء لبنان شراء المحروقات لتشغيل المعامل يلّي بحاجة لصيانة، والمصرف المركزي عم يرفض صرف دولارات من اموال كهرباء لبنان لشراء قطع الغيار. اعرفوا يا لبنانيي مين عم يعتّم عليكم”.